“Corn chat” 




India ka sabse pasandida snacks ya fir evening time nashte me sbse jyada pasand kiya jane wala snack “chat/bhel” hai. Log aksar street food me v chat ya bhel bhut pasand krte h. Group friends sath ho, tution khatam hone ke bad ya fir bhookh lga ho ar dosto ke sath ho, pocket money mila ho ya fir savings ho to fir party to banta hai sath he samne dikh jaye stall wala jaise ki pani puri stall, bhel wala to fir to sabse pehle pani puri pas jana to banta hai. Papdi chat, samosa chat jo ki har logo ka sabse favourite hota hai, ya fir dahi bhalle, bhej puri etc. Har din lakho log apne groups ya friends sath enjoy karte hai ye sare street foods. 




Monsoon me sabse laziz snacks hai pakoda ya fir bhutta( makai/ corn). Corn jo ki monsoon time me bhut he famous or tasty snack ya breakfast me shamil kiya jata hai. Jab hm kahi bahar ho monsoon time me ar bhutta wala khi dikh jaye to hm jarur bhutta order krte h ar maze se khate. Sath he ghar par v ise bnaya jata hai. Hamne bhut sare aise dish dekhe hai jisme corn added rehta hai magar kya hm ghar ka bana hua corn bhel khaye hai jo ki ekdam bahar ka street food bhel jaisa taste deta hai. 



Ghar par ham ekdm bahar jaisa ar delicious bhel corn ka bna sakte hai. Ise ham “corn chat” v keh sakte hai. Ek tarike se dekha jaye to ‘corn bhel’ ka dusra nam hai ‘corn chat’. Yeh bahut he easy ar 15 minute me banne wala snacks hai. Ise evining me specially monsoon time par bahut he maje se banaya ja sakta ar family sath enjoy karskte hai. Ise bnane ka yeh v fyada hai ki ghar par agr ap work from home kar rahe ya online studies kar rahe ar mood me kuch refresh changes lana hai to yeh kafi sahi dish hai. Yeh snack sweet, salty ar sath he kayi flavor mix rehta jo mood ko kafi refresh krta hai. 

Easy ar mood refreshing snack recipe ke liye focus kare ingredients ar steps par. 

Ingredients required:- 

  • Corn:- 1 bowl
  • Onion:- 2 
  • Tomato:- 1
  • Lemon juice:- 1 tea spoon
  • Chat masala:- 1 tea spoon 
  • Corn flour:- 1 table spoon 
  • Rice flour:- 1 table spoon 
  • Sev bhujiya:- 4 table spoon
  • Dhaniya, jeera powder:- 1/2 tea spoon
  • Salt
  • Coriander leaves 
  • Green chilli:- 1 
Steps to make corn bhel. 
  1. Pan me tel ko garam hone de. 
  2. Ek bowl me boiled corn dale, usme corn flour ar rice flour dalkar mix kare. 
  3. Ab usme thora sa chat masala dale ar mix kure. 
  4. Tel garam hote he corn ko dal de ar fry hone de. 
  5. 3-4 minute bad usko nikal de. 
  6. Aise he sare corns ko fry kurke nikal le. 
  7. Ab ek bowl me fried corn ko dale. Usme chop kiya hua onions ar tomato dale.
  8. Thora sa swad anusar salt dale, dhaniya- jeera powder, fir chutki bhar chat masala. 
  9. Ab usme chop kiya hua green chilli dale ar sabko achese mix kare.
  10. Ab upar me lemon juice dale fir chopped coriander leaves dale. 
  11. Ab upar me sev bhujiya dale ar serve kare. 
  12. Lijiye tyar hai corn bhel ya corn chat. 
Agar apke pas cucumber hai to wo v add karskte hai. 
Ab aap v banye ar try kare is special monsoon snack “corn bhel” ko ar family ya friends sath enjoy kare. 

Ise bnane ke bhut sare tarike/ recipe hai. Isme chahe to chane,moong v add krskte hai. Log aksar ise bhutte ki tarah khana pasand karte hai ya fir boil karke pan me onion sath fry kurke v banate hai . Ye v kafi easy ar tasty hota hai. Sath he agr apko cheese bahut pasand hai to cheese v add karskte ho. 






Bat kare hamare Bharat ki to har jagah har ghar me ise bnane ka sabka apna alg andaj hai. Street stall ki to bat he alg hoti hai. Bharat ek aisa Desh hai jaha par street food bhut famous hai ar log ab ise apne ghar par bnane lage hai. Log street food ko he apne ghar me ek nya roop de re hai ar naya avishkar kar rahe hai jo ki har koi ko bahut pasand ara hai. Corn bhel v usme ek hai jo ki Indian style food hai ar lakho log pasand v karte hai. Har state me iska alg tarika ke sath alg swad v milta hai. 

Bahar se aye hue log jaise foreigners ya tourists v Bharat ke culture ar traditional foods ko kafi pasand karte hai. Sare snack ar dish wo v Indian tradition and culture ke sath bnaye hue ko aj desh bhar me kafi charche me hai. Ar log ghar baithe social media ki madat se us culture ar tradition ko mehsus kar rhe hai banaye gaye dish se. 

Hmlog bhut he proudly keh sakte hai ki Bharat me anginat new, exciting ar delicious food ka har ek din naya avishkar ho ra hai jo ki na shirf healthy balki sath he taste me naya roop la ra. 

Write A Comment