chur chur naan on tawa
Soch rahe hoge ki kaise ghar par banaya jaye tandoori naan. Ghar par wo smokey flavour aur texture kaise ayega. Agar kahe ki tawa par ye sab possible hai to yakeen nahi hota n!
Pehli baat to ye ki hamlog pehle he mann se mukar jate hai ki ye to tandoor me bana hua hai ghar par ye sab kaha hai to possible nahi banana.
Kuch logo ko to pata v hai ki tawa par kaise banate hai. Magar kavi- kavi wo taste naan ka ya fir sahi se paka hua nahi milta. To fir dobara banane ka v man ni karta.
To ab ye sab sochne ka jarurt nahi hai. Aj ham aap logo ke liye ye famous chur chur naan wo v home made recipe share karungi step wise jisse apko ghar par banane me bhut he asani hogi.
To ab chaliye dekhte hai kaise tawa par he tandoor jaisa he naan banaye.
Aur agar apke pass oven v hai to usme v bana sakte hai. Usme apko 200° par kam se kam 7-8 minute tak bake karna hoga. Lekin dekhte v rehna hoga ki wo jake nahi.
chur chur naan recipe on tawa
Ingredients required:-
Ingredients for making dough
- White flour:- 1 bowl
- Yogurt:- 1/2 cup
- Ghee:- 2 table spoon
- Baking powder:- 1 tea spoon
- Salt:- 1 tea spoon
Ingredients for filling
- Paneer:- 1 cup
- Potatoes:- 1 cup
- Garam masala:- 1 table spoon
- Dhaniya powder:- 1 table spoon
- Jeera fried:- 1 tea spoon
- Salt
- Onion:- 1/2 cup
- Red chilli powder:- 1 table spoon
- Coriander leaves
step wise chur chur naan recipe
‘ making dough ‘
- Ek bowl me maida dale.
- Ab usme salt aur baking powder dalkar mix kare.
- Fir isme ghee dale aur apne hatho se mix kare. Flour moist hojyega.
- Ab usme yogurt dale aur fir halka pani dal kar mix kare.
- Achese ek soft dough ready kare.
- Pani bhut jyada nahi dale. Mix karte hue jitna jarurt hai uske hisab se he pani dale.
- Ab jab dough ready hai to usko dhak kar 15-20 ke liye rakh de.
‘ making fillings’
- Ek bowl le. Usme grated paneer dale.
- Fir usme grated potatoes ( boiled potatoes) dale.
- Dhaniya powder, fried jeera, chopped coriander leaves , salt as per taste, garam masala dale.
- Fir red chilli powder aur chopped onion dalkar mix kare.
- Achese hatho se mix kare.
- Fillings/ stuffing ready hai.
‘ making of chur chur naan on tawa’
- Dough ko nikale.
- Ab white flour ko base par spread karke dough ko achese roll karke bada sa chapati ka shape de.
- Fir uske upar pura ghee lga de. Ghee lagane ke baad white flour ko uske upar spread kare.
- Ab apne side se chapati ko fold karte hue dusre side tak le jaye.
- Ab usko chote chote pede ki size me cut kare.
- Matlab ki small ball dough ke liye.
- Ab ek dough ko lenge aur achese hath se dough ke middle area me space create krenge taki fillings bhar sake.
- 2-3 table spoon fillings add karenge.
- Aur sare edges ko bich me lakar close krenge.
- Basically jaise ham aalu pratha , sattu puri ye sab me karte hai same waisa he.
- Ham ab sare dough me aise he fillings dalkar ready karenge.
- Sare filled dough ko ek pani se bhinga cloth se dhak kar 10 minute ke liye rakh denge.
- Aisa isliye karenge taki jab ham dough ko chapati ka shape ka roll kare to stuffings bahar na aye.
- 10 minute bad ek dough lenge aur uske upar chopped coriander leaves dalenge aur fir apne hatho me pani lagakar dough ke upar pat karenge taki coriander leaves chipak jaye.
- Ab hatho se dough ko chapati ki shape ka bada karenge.
- Chahe to roller / belan se v kar sakte hai.
- Ek pan/tawa halka garam kare.
- Ab dough jo ready hai uske base par pani lagaye achese taki wo tawa par chipka rahe.
- Medium se hlka kam flame ya fir medium par he rakhe taki base pake.
- Jab base pak jaye to palat kar upar wale area ko v pakaye.
- Kuch 10 minute bad jab ready ho to usko tandoori effect dene ke liye naan ko direct flame ke upar rakhe aur ghumate rahe taki har taraf uska effect jaye.
- Ek jagah rakhne se naan jal jyega.
- Ab naan ko waps tawa me rakhe aur upar wala area me 1 table spoon butter dale. Jarurt ho to aur v dale.
- Butter tavi lagaye jab ready ho jaye naan.
- Ab plate me nikal kar usi waqt apne hatho se side se ander ki taraf more ya fir kaha jaye ki use dono hatho me pakar kar tore.
- Fir chote -chote butter ke tukade uspar rakhe.
- Lijiye chur chur naan ready hai.
Wo v ekdam bahar ki he tarah ghar par bana hua tawa par.
Aap chahe to stuffings change karsakte hai. Chahe to mixed vegetables use kare. Aap apne pasand ke hisab se stuffings ready kare.
chur chur naan to tyar hai. Aab iske sath kuch to chahiye n khane ke liye. Jaise ki dal makhani , paneer Butter masala etc.
To chaliye dekhte hai aaj daal makhani recipe jo ki chur chur naan ke sath ekdam sahi lagta hai khane me.
dal makhani recipe
Restaurants ho ya koi hotel har jagah dal makhani to famous he hai. Aksar ghar par v online order kar lete hai kuki hame wo restaurant taste wala jyada pasand ata hai. To kyu na ham ghar par he restaurants aur dhaba wala taste laye. Ghar par banane ka sochte he lgta hai ki bhut sare ingredients ka jarurt prega. Jabki ye sab banane me ghar ke he ingredients se tasty aur delicious sa daal makhani ready hojata hai.
Let’s see ki kaise ham ghar par he bahar jaisa daal makhani bana sakte hai.
Wo v step wise hai to apko kafi asani hoga banane me.
dal makhni kaise banta hai
dal makhni ingredients :-
- Black gram(urad) :- 1 cup
- Kidney beans ( rajma) :- 1/2 cup
- Onion :- 1 cup
- Tomato pury :- 1 cup
- Ginger garlic paste:- 2 table spoon
- Green chilli:- 3-4
- Red chilli powder
- Ginger:- 1 table spoon
- Jeera:- 1 tea spoon
- Salt
- Butter
- Elaichi:-3-4
- Bay leaf:- 1
- Cinnamon :- 2
- Kasuri methi :- 1 table spoon
- Coriander leaves:- 1 table spoon
- Dhaniya powder:- 1 table spoon
- Garam masala :- 1 table spoon
- Jeera powder:- 1 tea spoon
dal makhni banane ki vidhi
- Rat bhar 6-7 ghanta ke liye black gram aur kidney beans ko bhinga kar rakhe.
- Fir uske bad chaan ke nikale aur cooker me dale. Usme pani dale jaise ham daal ke liye dalte hai.
- Ab usme bay leaf, cinnamon, 2 badi black elaichi aur 2 green elaichi dale.
- Fir salt as per taste dale aur 1/2 tea spoon oil dal de. Ab band karke medium to high speech ke bich me rakhe.
- Aur 5-6 whistle tak rakhe uske bad 2-3 whistle tak ke liye medium to low par karde.
- Jab tak ye boil ho raha hai ham masala prepare karenge.
- Aap chahe to butter ki jagah ghee v use karsakte hai.
- Ab ek karahi/pan ko garam kare. Medium flame par he rehne de.
- 2 table spoon oil dale aur 1 table spoon butter.
- Fir 1 table spoon jeera dale.
- Ab chopped onion dale aur golden colour hone tak fry kare. Fir isme ginger garlic paste dale aur mix kare achese.
- Ab jab ye hojye to masala dale.
- Garam masala, dhaniya powder, jeera powder, 1 table spoon red chilli powder, haldi 1 tea spoon. Aur mix kare sabko.
- Masala ko medium se low flame ke bich me fry kare. Chahe to 2-3 table spoon of water dale aur tab fry kare. Taki achese masala pak jaye. Ab jab masala 3-4 minute me ready hogya hai to usme tomato pury dale aur waps medium flame par kare.
- Usko stir karte rahe taki achese tamatar v pak jaye. Chahe to usme salt a pinch dale taki tomato pury achese pake. Use dhak de aur 2-3 minute tak pak ne de.
- Ab dekhenge ki sab pak gaya hai to cooker me se daal ko chaan kar karahi me dale aur uska pani v isme dale aur stir karte rahe.
- Fir dhak kar boil hone de. 5-10 minute tak boil hone de aur pakaye. Ab usme 1 table spoon chopped ginger and chopped green chilli dalkar mix karenge.
- Fir dekhenge ki texture achese garha ho ra hai to ab ham usme 3-4 table spoon butter dalenge aur 3 table spoon fresh cream dalkar achese mix karenge.
- Sabko mix karke fir ham 4-5 minute tak dhak kar rakhenge.
- Lastly, usme grated kasuri methi aur grated coriander leaves dalkar mix karenge.
- Kuch 5-10 minute tak dhak kar rakhenge. Dekhenge ki dal makhani ready hai.
- Ab tarka lgynge . Ek pan lenge jisme 2 table spoon butter add karenge aur fir 2 table spoon red chilli powder . Fir turant he dal makhani me mix karenge.
- Achese stir kare. Dal makhani ready hogya hai.
Ab ise ek bowl me nikale. Upar se fresh cream aur ek tukda buttar ka dalkar plate me rakhe. Aur chur chur naan v rakh kar serve kare.
Sath me chahe to sliced onion aur lemon ka salad sath me serve kare. Sath me raita rakhe aur fir enjoy kare .
Aap chahe to daal makhani ke sath steamed rice, jeera rice , roti, Pulao etc. ke sath v kha sakte hai. To ab easy sa recipe apko pta chal he gaya hai to ghar par lunch ya dinner me banaye aur enjoy kare.
