Category

raita recipe in hindi

Category

Filhal start hogya hai sawan ka mahina. Sab puja path me busy hai. Non- veg chuna v nahi hai. Ab bahar ja v nahi rahe. Ab soch rahe kya ek mahine tak whi simple boring sa food khana hoga. To ku na bahar wala taste he ghar laya jaye. Ab soch to liya magar banaye kaise. 

To chalo aj ham banate hai paneer biryani. Wo v ekdam restaurants style wala paneer biryani. Jyada chizo ke jarurt hai nahi. Paneer lana hai aur kuch ghar ke masalo se he ready hojyega yummy sa biryani. Ab ye mat kehna ki time bhut lagega. Ab chahte ho restaurants wala feeling to thora to sehna parega, thora mehnat karna prega. Time jyada ni bas 45 minutes me ready hojyega agar aap sahi se step wise kam kare to. Dekhte hai pehle karna kya kya hai uske bad ham dekhenge sare ingredients aur fir step wise recipe. Jo ki agar aap follow karo to asani se ghar par restaurant wali taste la sakte ho. 

paneer biryani recipe

Sabse pehle to paneer ko halka brownish fry karle . Ab ek bada sa biryani wala container/ patila ko garam kare. Aur usme oil dalo fir khada Masala sab dalkar chopped onion ko golden brown hone tak fry kare. Ab usme ginger, garlic , green chilli paste dalkar fry kare. Fir chopped tomatoes fry kare aur uske bad sara masalas jaise ki turmeric, dhaniya powder , biryani masala, garam masala sab ko achese fry karke curd dale aur last me paneer dalkar 2-3 minute stir kare. Ye process ke sathe chawal v bana le jo ki 85-90% he paka hua ho. Ab chawal ko chhan kar masale ke upar dale. Fir fried onion, coriander leaves, pudina patta sab se garnish kare. Aur foil paper se dhak kar dhakkan lagaye. Chahe to foil paper ki jagah dough ko he edges me lagye aur fir dhak de medium to low bich me flame karke. Fir kya ready hai biryani. Ab raita sath serve kare. 


Ab dekhte hai step wise paneer biryani. 


 Ingredients required :- 

  • Paneer:- 2 cup
  • Rice:- 1 bowl 
  • Bay leaf :- 2
  • Green Cardamom:- 2
  • Cinnamon:- 2
  • Star Anise:- 2
  • Clove :- /2 tea spoon
  • Black Cardamom:- 1
  • Jeera :- 1 tea spoon
  • Ajwain :- 1 tea spoon
  • Red chilli powder:- 1 table spoon
  • Garam masala :- 1 table spoon
  • Turmeric powder :- 1 tea spoon
  • Biryani masala :- 1 table spoon
  • Dhaniya powder:- 1 table spoon
  • Ginger :- 1/2 cup
  • Garlic :- 1/2 cup
  • Green chilli :- 4-5 
  • Mustard oil :- 2 cup
Ginger, garlic, chilli ko grind karke ek paste ready kare. 

Step wise paneer biryani recipe:- 

  • Ek pan ko garam kare. Usme 4-5 table spoon oil dale. Ab paneer ke chote cubes cut kare. 
  • Oil garam ho jaye to paneer ke cubes ko dale aur shallow fry kare. Sab tarf achese fry karne ke bad use ek plate me nikal le. 
  • Ek bada sa container / bartan rakhe jisme biryani banana hai. Usko garam kare. Ab usme ek cup oil dale. Aap dekh le agar jyada oil lg ra to dal de.
  • Ab isme ek jeera, ajwain, bay leaf, green and black Cardamom, star anise clove, cinnamon ko dale. Sare khare masale dale. 
  • Ab chopped 6-7 medium sized onion ko dale aur medium flame par golden brown hone tak stir karte rahe. 
  • 4-5 minute bad golden brown ho jaye to 3 table spoon fried onion nikal le taki last me garnishing me kaam aye.
  • Ab usme ginger-garlic aur chilli paste dale. 
  • Achese mix kare aur 2 minute tak fry kare. 
  • Ab usme ek cup chopped tomatoes dale aur tomato ko galne tak stir kare. Bich bich me use dhake v. Aur 1 table spoon salt v dale taki tomato jaldi gal jaye.
  • Jab tak ye ready ho raha hai tab tak dusre flame par ek pane pani boil hone ke liye rekhe. 
  • Pani har bar chawal se 2 guna ya double he dale.
  • Ab jab pan boil hone lage to usme chawal dale. 
  • Fir usme 1 bay leaf, 1 green cardamom, 1 star anise, 1 cinnamon, 3-4 pieces of cloves dale. Aur adha lemon ka juice v dal de taki chawal acha rahe chipke nahi. 
  • Ab first flame me dekhnge ki tomatoes gal gaya hai to hlka sa flame medium se kam karke ab ham usme 1 table spoon garam masala dalenge, 1 table spoon dhaniya powder, 1/2 table spoon turmeric powder, 1 table spoon biryani masala, 1 table spoon red chilli powder aur fir achese mix karke fry karenge. 
  • 5 minute bad usme 3-4 table spoon curd dalkar mix karenge.  Achese mix karenge aur fry karenge. 
  • Ab isme shallow fried paneer ko dalkar mix karenge aur 2-3 minute stir karenge. 
  • Udhar chawal v ready hogya hai. Dhyan rakhe chawal ko pura nahi pakana hai. Bas 85-90% chawal he pakana hai. 
  • To use nikale aur pani se alag karenge. 
  • Ab sare chawal ko masale wale container me upar me sabko dale.
  • Ab usme bache hue fried onions ko dale.
  • Fir upar se chopped coriander leaves and pudina patta ko v dale.
  • Lastly ek foil se use dhake. Agar foil paper nahi hai to aatta / dough ko le aur container ke circular edges me lgakar fir dhak de. 
  • Flame ko medium he rehne de.
  • Ab 10-15 minute bad hamara panner biryani ready hai. 
Ab ise ek plate me nikale aur raita aur salad ke sath serve kare. 

Ab soch rahe ho market jaisa biryani ready hai to kyu na raita v same hota . To bas lijiye restaurants famous raita recipe. 

raita recipe in hindi

Biryani to ready hai. Ab shirf biryani khane me acha lagta to hai nai. Jab v ham restaurants me jate hai khane to sath me tasty raita to jarur he hota hai. Raita ke bina biryani samjho to adhura hai, jaise hamlog apne phone ke bina, sandwich onion aur cheese ke bina. 


To chaliye dekhte hai ghar par restaurant wala biryani ke sath jo raita milta hai wo kaise banaye. 

biryani raita recipe

Pehle hm onion , tomatoes, carrot aur coriander leaves ko achese chop karenge. Fir yogurt me mix karenge. Usme mix karne ke bad usme ham salt as per taste aur jeera / cumin powder ko add karke mix karenge. Fir last me green chilli ko fine chopped karke mix karenge. Ready hai hamara biryani raita. 



To chaliye ab dekhte hai raita ke liye ingredients ka kitna quantity ka jarurt hai. Aur step wise biryani raita recipe. 


Ingredients required:- 
  • Onion :- medium size 2
  • Tomatoes :- medium size 1 
  • Carrot:- medium size 2-3 
  • Curd:- 2-3 cup
  • Coriander leaves:- 1/2 cup 
  • Cumin powder:- 1 tea spoon
  • Salt 
  • Green chilli:- 1 

biryani raita banane ki vidhi 

  • Onion ko finely chop karenge. Bhut he barik kata hua onion ko bowl me dalenge. 
  • Ab tomato lenge aur uske middle are ko nikal denge yani ki seeds wale art ko hata denge. Baki bache area ko ham fine chop karenge aur use v bowl me dal denge. 
  • Ab carrot ko grate karenge fir onion aur tomato sath mix karenge. 
  • Ab curd dalenge fir salt as per taste dalkar mix karenge. 
  • Ab usme finely chopped coriander leaves dalkar mix karenge. 
  • Fir isme cumin powder dalenge.
  • Ab green chilli ko bich se cut kare fir chote chote tukare me chop kare aur mix kar de.
  • Raita ready hai.
  • Ek small bowl me nikal kar serve kare.

Apko easy raita recipe mil gya hai to ab jab v chicken biryani banaye ya fir paneer biryani aur agar apko raita khane ka man ho to isse jarur banaye. Ye kafi delicious aur easy raita hai jo aap kavi v bana sakte hai.